Underhaldning på bokbåten

ABRAKADABRA TEATRET:

ET KUNSTSTYKKE

I samarbeid med Sogn og Fjordane folkeakademi har Sogn og Fjordane fylkesbibliotek denne gongen hyrt ABRAKADABRA TEATRET til å syna ET KUNSTSTYKKE. ABRAKADABRA TEATRET er med sine 23 år ei av Norges eldste frie teatergrupper. Dei har 2 faste medlemmar - Annemor og Trond Magnum, og dei held til i Trysil. ABRAKADABRA TEATRET har turnert over heile Norge med ulike oppsetjingar. Dei har tidlegare vore med på bokbåten i Sogn og Fjordane 2 gonger.

“ET KUNSTSTYKKE” handlar om ein liten mann sitt store sakn og den ikkje mindre store fantasien han framsyner for å halda “livet” og lysta levande. Heile to hjorte-måleri dannar ramma for ei skjør, lun og morsom historie. Historia handlar om måleriselgjar Kai Hjort som er ein mann med mange hemmelegheitar og store draumar. Historia er morsom fordi ho tilsynelatande er ei røvarhistorie med finurlege og overraskande små detaljar, men kanskje ligg det noko bak latteren på det som ser ut som løgn og oppspinn?

“ET KUNSTSTYKKE” varar omlag 45 min., og høver best for born frå 5 år og oppover.

“ET KUNSTSTYKKE” har Norgespremiere på bokbåten!