Den kulturelle skulesekken i Sogn og Fjordane 2005 – 2006
Turnetilboda i
Den kulturelle skulesekken for skuleåret 2005-2006 er tilgjengeleg i
eigen trykt katalog, i tillegg til at de kan lese om dei her på
heimesida under DKS-tilbod.
Tildeling
Frå hausten 2005 blir fylkestilboda tildelt kommunane,
i staden for at kvar einskild skule/kommune skal velje sjølv. Det er
styringsgruppa som har vedteke å leggje om ordninga. Tildeling vil skje
med utgangspunkt i naturleg geografisk område. Stikkord for kva tilbod
som kjem til kva elevgrupper i kva kommunar kan de lese meir om her.
Utvalet
Tilboda i DKS skal halde høg
kvalitet. Nokre tilbod frå førre skuleår er også med i 2005-2006
tilbodet, men mange av tilboda er heilt nye. Vi hentar utøvarar frå
eige fylke – og frå andre stader i landet. Samla sett håpar vi at
alle blir nøgde, både i høve einskildtilbod og samansetjing av tilbod
på ulike klassesteg. Vi har eit nyttig system for tilbakemeldingar, og
ber skulane halde fram med å nytte evalueringsskjema. Nye turneidear
vil bli diskutert/utveksla med kulturkontaktene i kommunane m.a. i
samband med DKS-konferansen i Sogndal i veke 39. Referansegruppa blir
også viktig i denne samanhengen.
Transportkostnader
Vi håpar
å kunne dekkje noko transport for elevar som må reise til annan skule,
samfunnshus eller liknande for å delta på DKS-tilbod i fylket sin
regi. Informasjon om dette vil kome i eige brev.
NB! Nytt
av året, er tilbodet frå musea om å dekkje skyss til museumsbesøk
for to utvalde årstrinn frå kvar skule. Vi håpar alle vil nytte seg
av dette "ekstra-tilbodet"!
Til beste for elevane
Målgruppa
vår er elevane i grunnskulen, og vi ønskjer å bidra til at alle får ein
kulturell sikringskost av opplevingar, læring og erfaringar. For at
utbyttet av ei teaterframsyning, kunstutstilling, danseoppleving, timar
med arkitekten m.m. skal vere best mogleg, må tilrettelegginga i alle
ledd fungere. Vi ber skulen/ kulturkontaktene om å merke seg
informasjon som blir gjeve om føre-/etterarbeid, og sjølvsagt det som
gjeld praktisk tilrettelegging.
KSYS
– nytt dataverktøy
Frå
august 2005 ligg all informasjonen
som gjeld turnear, læremateriell m.m. tilgjengeleg i KSYS, eit
internettbasert dataverktøy som blir den nye, felles
informasjonskanalen. På KSYS vil de då også finne den nye heimesida vår.
Etter kvart er planen at alle involverte i Den kulturelle skulesekken
skal hente ut frå KSYS all informasjon dei treng om aktiviteten ved sin
skule og sin kommune. (Alt blir tilgjengeleg for alle!)
Kurs
og konferansar
Det er viktig med inspirasjon og ny kunnskap! Planlagde kurs og
samlingar er omtala i Ressursmenyen. Der er
det også teke med ein del idear til utøvarar, institusjonar og tema
som kan nyttast i arbeidet med lokal kulturelle skulesekk.
Har du spørsmål, innspel, meiningsytringar el. a? Ta kontakt
med oss.
Fakta
om
DKS i Sogn og Fjordane og pengefordeling
|
