21.09.05:
Bokbåtruta for hausten er no klar, og lagt ut her. Bokbåten Epos legg i haust ut 14. oktober, og reiser rundt i fylket i 19 dagar før den returnerer. Programmet i haust er det Nina Næsheim som står for, ho kjem med forestillinga "Himmel og hav" som ein kan lese meir om her.

20.09.05:
På Bibliotekdagane hadde Svanhild Aabø eit svært interessant foredrag om "Å sette pris på biblioteket – er biblioteket verdt prisen?". Vi legg her ut powerpoint-presentasjonen ho brukte. (Konvertert til pdf-format)

19.09.05:
Vi har lagt ut turneplanane for forfattarbesøka fylkesbiblioteket arrangerar i haust. Det er Ragnfrid Trohaug, Reidar Kjelsen og Bjørn Ingvaldsen som reiser rundt til skular i fylket, og tid og stad for besøka finn ein her (eller gå til "Lesestimulering" i menyen).

18.08.05:
Datoane for årets barnebokmøte er klare - det blir i Florø 7. november og på Sandane 8. november. Nærare opplysningar og påmelding kjem seinare.

10.08.05:
Bibliotekdagane 2005. Det er no igjen tid for Bibliotekdagane i Sogn og Fjordane, vi får bl.a. besøk av Svanhild Aabø som vil presentere doktoravhandlinga si. Fullstendig program og påmeldingsskjema finn du her, eller via Kurs og møte i menyen.

09.08.05:
Prosjektmidlar frå ABM-utvikling for 2006. Utlysingstekstar og kriterium for prosjektmidlar og sikringsmidlar for 2006 frå ABM-utvikling er no klare.Ein kan søkje i sju ulike kategoriar. Søknadsfristen er 15. oktober. Søknadsskjema blir lagt ut 1. september. Utlysningstekst.

05.08.05:
Sida med anbefalte klassesett er oppdatert med fleire nye titlar.

02.08.05:
Vi har fått nokre nye klassesett. Omtale av desse er lagt ut på klassesettsidene våre. På desse sidene ligg også det nye tingingsskjemaet vårt. 

01.08.05:
Bokbussruta for hausten 2005 og våren 2006 er lagt ut. Du finn den via menyen, eller direkte her.

20.06.05:
Bokbåten redda! Et enstemmig fylkesting vedtok 16. juni å fornye avtale om bokbåten. Alle partia snakka varmt om både litteratur, bibliotek og bokbåt, det blei til og med deklamert dikt til ære for båten. Alt i alt en stor dag for biblioteka og oss som er opptatt av litteratur og leseglede! Ein kan lese møtebok for fylkestinget 16.06. her.

16.06.05:
Eit nytt nummer av "Over skranken" er lagt ut, her kan ein lese om litt av det som foregår på bibliotekfronten i fylket. Du kan lese det her.

02.06.05:
Utviklinga i bokbåtsaka: 1. juni var saka om "Litteraturformidling i Sogn og Fjordane" oppe i Fylkesutvalet. KrF, V og Sp sette her fram framlegg om at "Sogn og Fjordane fylkeskommune reforhandlar leigeavtalen med bokbåten med sikte på fornying når denne avtalen går ut 31.08.05", og framlegget fekk fleirtal med 5 mot 4 røyster. Etter framlegg frå Sp blei det også vedteke at "Hovudutval for kultur si ramme vert auka tilsvarande kostnaden med drifta av bokbåten." 
Saka skal vidare handsamast på fylkestinget 16./17. juni.

31.05.05:
Bokprat-samling. Samlingane skal fungere som et forum for oss som jobbar med bokprat og lesestimulering. På samlingane kan vi inspirere kvarandre og diskutere erfaringar og idear. Vi vil jobbe vidare med det vi har lært på bokpratkurset, og diskutere korleis vi kan bruke dette i arbeidet vårt. Kanskje kan bokprat bli eit tilbod i Den kulturelle skulesekken? Samlingen er for dei som deltok på kurset i bokprat med Marianne Svarstad. Etterkvart kan det bli aktuelt å få med alle dei som jobber med lesestimulering i biblioteka i fylket. Stad og tid: Øyrane vg skule 7. juni kl.1000-1400, rom A233

30.05.05:
Litteraturformidling/bokbåt. I saka "Litteraturformidling i Sogn og Fjordane" som skal opp på fylkestinget i juni, blir det altså foreslått at bokbåten skal leggast ned. Men første del av forslag til vedtak er at "Rapporten 'Litteraturformidling i Sogn og Fjordane. Eit tilbod for framtida' vert lagt til grunn for fylkeskommunen sitt vidare arbeid med kulturformidling til barn og unge i fylket." Denne utgreiinga er det fylkesbiblioteket som har stått for, og ein finn den under "Lesestimulering", eller kan gå direkte her.

30.05.05:
Forfattarturnear. Under menyvalet "Lesestimulering" i menyen til venstre, vil ein bl.a. finne informasjon om forfattarturnear. Meir informasjon om haustens turnear + tingingsskjema, finn ein her.

20.05.05:
Heile katalogen til Den kulturelle skulesekken er no lagt ut på nettsidene våre - her.

19.05.05:
Bokbåten foreslått nedlagt. Fylkesrådmannen foreslår som del av saka "Litteraturformidling i Sogn og Fjordane" at bokbåtavtalen ikkje vert fornya når denne går ut i august. Saka skal opp i Hovudutval for kultur 25. mai, fylkesutvalet 1. juni og så opp på Fylkestinget 16./17. juni. Heile saka finn de her.

18.05.05:
Gi rom for lesing
No er det nye moglegheiter for å setje i gang prosjekt i samarbeid med skulen. I haust delar Fylkesmannen ut nye midlar frå staten til ”Gi rom for lesing”-prosjekt. Midlane skal gå til tiltak for å auke leselyst og lesedugleik. Det kan også vere tiltak for å utvikle skulebibliotek. Omkring 50 skuler i fylket har tidligare år fått pengar frå ”Gi rom for lesing”. Kva skular og prosjekt som har fått pengar kan du sjå på denne sida.

Denne gongen vil dei gi pengar til nye skular og prosjekt. Skulebibliotek er eit område som ofte treng ein satsing. Folkebiblioteka og den kompetansen de har, kan vere ein god hjelp for skulane når dei skal setje i gang arbeidet med å betre skulebiblioteka. Dersom ein vel å satse på lesestimulering som prosjekt, må eit samarbeid mellom folkebibliotek og skule vere ein stor fordel. Initiativet til ein søknad kan godt komme frå folkebiblioteket. Søknadsfrist for hausten er 15. september. 

09.05.05:
Haustens bokbåttur er sett opp for perioden 14. oktober - 1.november. Meir informasjon kjem når dette er klart

02.05.05:
Vi har oppretta eigne sider for lesestimulering. Dei skal byggast ut vidare, førebels ligg det informasjon om ulike forfattarturnear i regi av fylkesbiblioteket der. Sidene finn de via menyen, eller her.

19.04.05:
Bibliotekdagane bli i år halde den 15. og 16. september i Førde. Programmet er ikkje heilt klart enno, men vi har alt fått ein avtale med Svanhild Aabø som dei siste månadane har fått mykje merksemd pga doktoravhandlinga "The Value of Public Libraries".

11.04.05:
Det er gitt nye fristar for levering av bibliotekstatistikk. Fristen for folkebiblioteka er no 14. april, og for skulebibliotek er fristane slik: Grunnskulebibliotek: 22. april (kommunar: 29. april) og bibliotek i vidaregåande skule: 22 april (fylkeskommunen: 29. april)

30.03.05:
Verdas bokdag blir markert 22.-23. april. På www.verdensbokdag.no kan ein bl.a. få tips til aktivitetar. 

29.03.05:
Det er no (omsider) tid for innrapportering av bibliotekstatistikken. I år er det heilt nye skjema, men det er stort sett dei same tala som før det blir spurt etter. Fylkesbiblioteket har som vanleg oversikt over brukarnamn og passord, dersom de har behov for det. Årets fristar er: 13. april for folkebiblioteka, 12. april for grunnskulane og 12. april for vidaregåande skular. Statistikkskjemaet finn de på www.abmstatistikk.no. Kontaktperson på fylkesbiblioteket er Anja A. Mjelde.

04.03.05:
Fylkesbiblioteket arrangerar fleire forfattarturnear i vår. På http://www.sf.fylkesbibl.no/forfattar/ legg vi ut turneplanane når dei er klare. Førebels er turneplanane for Bente Bratlund Mæland og Arnfinn Kolerud lagt ut.

04.03.05:
Frå 1.mars er Solveig Bjordal tilbake som fylkesbiblioteksjef. Gunnvor Schei, som har vikariert for Solveig det siste året, er tilbake i si vanlege stilling som distriktsbibliotekar.

02.02.05:
Ruta for bokbåten Epos sin vintertur er er klar, og lagt ut her. Bokåten legg ut frå Førde 25. februar, og reiser rundt i fylket i 19 dagar. På denne turen står Alf Bugge Gjerstad og Nini Ritzau for underhaldninga med forestillinga "Småsporven gjeng i tunet". Les meir.

28.01.05:
Nasjonalt nettverk for kompetanseutvikling for skolebibliotek arrangerar i samarbeid med Hordaland fylkesbibliotek fagdag for skulebibliotekarar i vgs. i Hordaland, Møre og Romsdal, Rogaland og Sogn og Fjordane. Fagdagen bli i Bergen 15.mars 2005. Les meir.

24.01.05:
Det blir Mikromarc informasjonsmøte fredag 11. februar på Skei. Jens Christian Strandos frå BIBITS kjem, og vil demonstrere det nye websøket, informere om ulike driftsløysingar og svare på spørsmål. Les meir.

18.01.05:
NBF Sogn og Fjordane arrangerar til seminar om yrkesetikk på Skei hotell torsdag 17.februar 2005. Foredragshaldar vert Robert Wallace Vaagan som har arbeidd med dette temaet både i regi av IFLA og det tidlegare Riksbibliotektjenesta. Seminaret rettar seg mot tilsette både innan folke-, skule- og fagbiblioteka. Les meir.

04.01.05
Biblioteksentralen lyser ut stipend for tilsette i offentlege bibliotek. Stipenda kan nyttast til reiser, studiar, utgreingar eller prosjektutvikling - les meir på nettsidene til Biblioteksentralen. Søknadsfrist er 14. februar.

04.01.05
Torsdag 6. januar har fylkesbiblioteket personalseminar - det vert difor ingen tilstades på fylkesbiblioteket denne dagen.

2004

16.12.04:
Eit nytt nummer av "Over skranken" er lagt ut. Her kan ein lese om ting som skjer på bibliotekfronten i fylket, bl.a. ulike arrangement, nye biblioteklokaler fleire stadar, og om framtida for bokbåten Epos.

15.12.04:
Opningstider i jula: 
Fylkesbiblioteket er stengt julaftan og nyttårsaftan, i romjula har vi kontortid 10-14. 

02.12.04:
Hjørdis Birkeland, som har arbeidd ved fylkesbiblioteket sidan 1992, valde å pensjonere seg frå 1. november. Vi takkar henne for innsatsen! Anne Marit Ytterbø, kjend frå Gaular folkebibliotek, vert ny medarbeidar hos oss frå 1. desember og inntil vidare.

07.10.04:
I år blir det kurs i årets barne- og ungdomslitteratur både i Sogndal og i Førde. Meir info, program og påmelding her.

07.10.04:
Fylkesbiblioteka i Rogaland, Hordaland og Sogn og Fjordane går saman om arrangere "Kurs i bokprat" med Marianne Svarstad og Mona Eklund. Begge to har lang og omfattande erfaring med slike kurs. Kurset går over to gongar tre dagar i februar/mars 2005. Bakgrunnen for lengde på kurset, er ein tanke om at det å bli ein god formidlar er ein prosess, der kvar deltakar får kan prøve ut bokprat-verkty i stimulerande omgjevnadar. Les meir. NB! Påmeldingsfristen er alt 20.oktober.. 

20.09.04:
Informasjon om haustens bokbåttur er no lagt ut. Bokbåten startar i Svortevik torsdag 21. oktober, og har siste stopp i Florø den 8. november (heile ruta). Med på bokbåten i år er Roger Hilleren og Helge Sveen med forestillinga Ha det på badet!, som ein kan lese meir om her. 

17.09.04:
Fylkesbiblioteket vil styrke og intensivere biblioteksamarbeidet mellom kommunane i fylket, og i oktober startar nettverksamlinger for folkebiblioteka for regionane Sogn, Sunnfjord og Nordfjord. Dei første samlingane vil vere ved Sogndal bibliotek, Flora folkebibliotek og Eid folkebiblotek.Les meir om samlingane her.

01.09.04:
Programmet for årets bibliotekdagar er klart. Som før meldt blir møtet i år i Bergen, og vi har første dag saman med bibliotekfolk frå Hordaland. Program og påmeldingsskjema finn ein her.

18.08.04:
Hausten 2003 var reiste fem bibliotekarar til Danmark som ein del av prosjektet "Pædagogisk brug af biblioteker og informationskilder - Udvekslingsprojekt mellem Norge og Danmark". I vår reiste ei ny gruppe til Danmark, og rapporten kan du lese her (pdf-fil).

01.07.04:
Bokbussruta for hausten 2004 og våren 2005 er lagt ut her. 

01.07.04:
Datoane for haustens barnebokmøter er klare; det blir torsdag 11. november i Førde, og fredag 12. november i Sogndal. Meir info vil seinar bli lagt ut på kurssidene våre.

28.06.04:
Bibliotekstatistikken for 2003 er lagt ut på statistikksidene våre.

18.06.04:
Sommarnummeret av Over skranken er lagt ut. Her kan ein lese om ting som skjer på fylkesbiblioteket og rundt om i biblioteka i Sogn og Fjordane. 

24.05.04:
Redusert fjernlån i juni. Førde bibliotek skal pussast opp, størstedelen av samlingane til Fylkesbiblioteket/Førde bibliotek må pakkast vekk og vert ikkje tilgjengelege for fjernlån i juni månad. Bygdebøker, mikrofilma folketeljingar/kyrkjebøker, magasinsamlinga og mobilsamlinga vil framleis vere tilgjengelege.

24.05.04:
No er også pdf-filer av Anne Kristin Undlien sitt innlegg på seminaret om biblioteksamarbeid lagt ut. Du finn dei her.

14.05.04:
PDF-filer frå seminaret om biblioteksamarbeid er lagt ut her. Førebels er det filer frå innlegga til Elin Golten og Anja Angelskår Mjelde som er lagt ut, stoff frå Anne Kristin Undlien og frå gruppearbeida vil også bli lagt ut. 

14.05.04:
Den nye katalogen for Den kulturelle skulesekken, skuleåret 2004/2005, er lagt ut. Du finn den via menyen, eller ved å klikke her.

26.04.04:
Bibliotekdagane blir i år i Bergen 28.-29. september. Programmet er enno ikkje klart, men vi vil ha første dag saman med Hordaland, dag 2 har vi eige opplegg. 

26.04.04: 
Presentasjonen av årets barnebøker blir i haust arrangert både i Sogndal og Førde. Dato er ikkje fastsett, men det blir rundt midten av november.

19.04.04:
Sjefsbytte på fylkesbiblioteket: Gunnvor Schei er konstituert som fylkesbiblioteksjef i tidsrommet 15.04.04 - 28.02.05. Tidlegare fylkesbiblioteksjef Solveig Bjordal har i same tidsrommet gått over i rådgjevarstilling og vil arbeide med prosjekt- og utvikingsoppgåver knytt til kommunalt og interkommunalt biblioteksamarbeid, oppfølgjing på ABM-sektoren, m.m.

13.04.04:
Kurssidene er igjen oppdatert, no med program for seminaret "Biblioteksamarbeid - mogelegheiter og fallgruver". Les meir.

23.03.04:
Kurssidene er oppdatert med førebels informasjon om møte om biblioteksamarbeid, som vil bli arrangert 4. mai. Les meir.

19.03.04:
Fylkesbiblioteket og Opplæringsavdelinga arrangerar i samarbeid eit kurs i søk på internett for tilsette i folkebibliotek og vidaregåande skule. Kursleiarar er Solveig Eik og Rigmor Haug frå Vestfold fylkesbibliotek, som er hhv prosjektleiar for det nasjonale prosjektet bibliotekvakten.no og bibliotekkonsulent med IKT som arbeidsområde. Meir info.

04.02.04:
Nye e-postadresser til fylkesbiblioteket. 
Fylkesbiblioteket har hatt ei omlegging av datasystema sine, og har no fått nye e-postadresser for e-post til dei tilsette. Dei gamle vil framleis fungere, men vi ber om at de heretter sender til dei nye. Dei nye adressene er på formen fornamn.mellomnamn.etternamn@sf-f.kommune.no. I adressene blir å og æ erstatta med a, og ø med o. Oversikt over dei tilsette finn du her.

Adressene for fjernlån og generelt til fylkesbiblioteket er framleis om før.

04.02.04:
Bokbåtruta for vinterturen er no lagt ut. Båten legg ut frå Førde 23. februar, og har 39 stopp rundt i kommunane før den returnerar 12. mars. Underhaldninga denne gongen er Christin Grilstad Prøis med ei forestilling om bygd rundt bøkene om Heksagon. Les meir om forestillinga. 

2003

16.12.03:
Julenummeret av "Over skranken" er no lagt ut - klikk her eller gå via menyen til venstre. I dette nummeret kan ein bl.a. lese om 150-årsjubileumet til Førde bibliotek, to ulike prosjekt på bokbussen, Leonardo-utvekslinga til Danmark, Lesestafetten og mykje meir.

28.11.03:
Vi har no lagt ut oppdaterte sider om utvekslingsprosjektet Norge/Danmark som blei gjennomført i september/oktober - fagleg innhald, program, reisedagbok og bilete. Det er framleis midlar til å sende fire personar til Danmark...

Informasjonen om "Den kvalifiserte informasjonssøkaren" er også blitt oppdatert etter gjennomføringa 23.-24. oktober. 

25.11.03:
Fylkesvinnarar i Txt Dramatisk. Fredag 21. november valde juryen ut to bidrag som går vidare til den nasjonale finalen. Vinnarane er bidrag frå 10. klasse på Skei skule og 8. klasse på Aurland barne- og ungdomskule. 10. klassen på Skei skule deltok med ei dramatisering av Tusen biter av Kjetil Johnsen. 8.klasse på Aurland skule hadde laga fire ulike dramatiseringar. Dei vann fylkeskonkurransen med dramatiseringa av Kurt blir grusom av Erlend Loe. 

I Juryen satt Berit Snøan, amatørteaterkonsulent på Sogn og Fjordane teater, Torhild Vie, kinosjef i Førde og Anja Angelskår Mjelde, distriktsbibliotekar på Sogn og Fjordane fylkesbibliotek. I Oslo skal Erlend Loe, Thomas Gjertsen, Aslak Sira Myhre og fleire andre kjendiser vurdere alle bidraga, to frå kvart fylke. Ti bidrag blir plukka ut, og så blir den nasjonale vinnaren kåra etter ei nettavtemming. Følg med på www.txt.no

13.11.03:
Vi har lagt ut litt informasjon om fotoprosjektet "Bokbussen hentar inn fortida", der fylkesbiblioteket og fylkesarkivet samarbeider om å samle inn gamle foto. Til dette brukar vi bokbussen. Informasjonen finn de på http://www.sf.fylkesbibl.no/prosjekt/bussfoto/

15.10.03:
Informasjon om haustens barnebokmøte er no lagt ut på kurssidene til fylkesbiblioteket.

24.09.03:
Det endelege programmet for konferansen "Den kvalifiserte informasjonssøkaren - verkstad for lesestimulering og informasjonskompetanse" er no klart - du finn det her. Vi håpar at mange vil delta, og minner om påmeldingsfristen som er 3. oktober. Meir info om konferansen.

23.09.03:
Haustens bokbåtrute er no lagt ut på nettet. Båten legg ut frå Førde måndag 20. oktober, og besøker 39 stadar før den returnerar den 7. november. Ruta finn de her. Underhaldninga på denne turen er Finagel Felespiller - "ei laussloppen framsyning for ein skodespelar, ein amerikakoffert og to dokker". Les meir om framsyninga her.

19.09.03:
Bibliotekdagane 2003 er vel overstått. Anders Ericson hadde eit interessant foredrag om temaet for bibliotekdagane - "Det gode bibliotek om 10 år" - og dette foredraget finn de på http://www.frilanders.net/selje03.html

12.08.03:
Fylkesbiblioteket har ein del klassesett som vi lånar ut til skulane i fylket. I tillegg til å kunne gå inn på lister fordelt på klassetrinn, språk mm, er det no oppretta eit eige websøk for klassesetta. Ved å gå inn på http://www.sf.fylkesbibl.no/cgi-bin/websok-klassesett kan ein søke i klassesetta ved fylkesbiblioteket. Listene finn de her.

07.08.03:
Program og påmeldingsskjema for Bibliotekdagane i Sogn og Fjordane 2003 er no lagt ut. Bibliotekdagane vert i år i Selje 8.-9. september. Hovudtemaet er "Det gode bibliotek om ti år", med Andres Ericson som innleiar. Les meir.

07.08.03:
Bokbussruta for hausten 2003 og våren 2004 er lagt ut. Du finn den i menyen under "Bokbuss og bokbåt", eller ved å gå direkte her.

05.08.03:
"Webdesign for bibliotekansatte" ser eit studietilbod som startar opp i haust ved Høgskolen i Bergen. Studietilbodet er eit samarbeid mellom Hordaland fylkesbibliotek og Høgskolen Stord/Haugesund og gir 15 studiepoeng. Det vil gi innføring i utvikling og produksjon av nettstadar med utgangspunkt i brukargrupper og problemstillingar for fag- og folkebibliotek. Studiet er delvis nettbasert bygd opp rundt eit studiestøttesystem og tre obligatoriske samlingar på to dagar. Søknadsfrist er 15. august. Les meir her.

24.06.03:
Nytt nummer av Over skranken er lagt ut. Her kan ein lese meir om bl.a. Lesestafetten, Nærinett-prosjektet, framtida til bokbåten og Den kulturelle skulesekken. Les Over skranken.

02.06.03:
Lise Alsted Henrichsen har laga ein rapport frå voluntørprosjektet sitt, du kan lese meir her, eller heile rapporten her (pdf-format).

09.05.03:
Årsmeldinga til fylkesbiblioteket og folkebibliotekstatistikken for 2002 er no lagt ut på nettsidene våre. Statistikken viser ein auke i utlånet frå biblioteka, trass i at biblioteka stadig får mindre pengar til innkjøp av media. Les meir.

29.04.03:
Den nordiske konferansen "Biblioteket som pedagogisk ressurs – frå brukaropplæring til biblioteksdidaktikk" blei arrangert på Haugland i 2001. No arbeider ei ny arbeidsgruppe med eit oppfølgingseminar til hausten. Les meir.

28.04.03:
Biblioteket ved Røde Kors Nordic United World College i samarbeid med Sogn og Fjordane fylkesbibliotek har søkt om eit mobilitetsprosjekt via EU-programmet Leonardo Da Vinci. Formålet med utvekslingsprosjektet er å utvikle ein felles platform eller forståing av god praksis innan biblioteksdidaktikk, dvs. pedagogisk brug af biblioteker og informationskjelder. Vi satsar på å få sendt ca 10 deltakarar til Danmark i haust. Les meir om prosjektet.

28.03.03:
Vi har lagt ut informasjon om nye kurs/møte på kurssidene våre. I mai blir det kurs i "Internett som arbeidsverktøy for å finne stoff til prosjektoppgaver". 8.- 9. september bli Bibliotekdagane i Sogn og Fjordane arrangert i Selje . Tema er "Det gode bibliotek om 10 år". Kurssidene.

18.03.03:
Bokbussmøte. Fylkesbiblioteket inviterer saman med fylkesarkivet biblioteksjefane i bokbusskommunane til eit informasjons- og drøftingsmøte om det nye prosjektet "Bokbussen hentar inn fortida". Litt meir info finn ein i invitasjonsbrevet som er sendt ut.

14.01.03:
Kurssamarbeid mellom fylkesbiblioteka. Vi vil gjere merksam på at det er høve for bibliotektilsette i Sogn og Fjordane å delta på kurs i regi av fylkesbiblioteka i Hordaland og Møre og Romsdal, når dei har ledig kapasitet. Likeeins kan bibliotektilsette i dei to fylka delta på kurs hos oss. Følg med på kurssidene til Hordaland og Møre og Romsdal for å sjå kva kurs dei arrangerer.

14.01.03:
Ny bokbåtrute. Bokbåtruta for vinteren er lagt ut. Båten legg ut frå Førde 26. februar, og gjer 41 stopp rundt i fylket før den er tilbake 16. mars. Underhaldninga på bokbåten i vinter er Kirsten Høeg med forestillinga "I trollets time", der ho formidlar norske folkeeventyr. Les meir om forestillinga.

13.01.03:
Bibliotekstatistikk 2002 
Det er igjen tid for å rapportere bibliotekstatistikk. Skjema for registrering finn ein på ABM-utvikling sine nettsider. Der finn ein også rundskriva i samband med bibliotekstatistikken 2002. Det er også svar på enkelte ofte stilte spørsmål. Rettleiing til utfylling av statistikkskjema finn ein når ein loggar seg inn for registrering.

2002

20.12.02:
Bruk av "Mappa Mi" for biblioteka. Vi vil gjerne opplyse/minne om at også biblioteka kan bruke tenesta "Mappa Mi" på Fylkesbiblioteket/Førde bibliotek. Her kan de sjå kva lån de til ei kvar tid har hos oss, fornye lån og sjå kva bøker de har reservert. Tenesta finn de her - eller ved å klikke på "Mappa Mi"-logoen i høgre meny. For å logge dykk inn brukar de det nasjonale biblioteknummeret og autorisasjonskoden de har i Nasjonalbibliotekets base Bibliotek.

16.12.02:
Nytt nummer av "Over skranken" er lagt ut. Her kan ein bl.a. lese om breibandsprosjekta som fekk midlar få Statens bibliotektilsyn i år, kva som skjer med bokbåten, og om eit nytt bokbussprosjekt som er på gang. 

14.11.02:
Fylkesbiblioteket har omarbeidd nettsidene for klassesett. I staden for kun ei lang liste, er klassesetta no grupperte i ulike kategoriar (språk, "lett å lese", klassetrinn osv), slik at det blir lettare å finne fram til akkurat det ein er ute etter. Du finn dei nye sidene her, eller via menyen.

01.11.02:
Vi har fått nye nettsider som presenterer "Den kulturelle skulesekken" i Sogn og Fjordane. Gå inn via lenke i menyen til venstre, eller klikk her.

16.10.02:
Bibliotekvakten.no er lansert - ei nasjonal rettleiingsteneste på nett. Her kan brukarane chatte med bibliotekarar og få svar på faktaspørsmål, få lenketips eller informasjon om kvar ein kan finne svaret. Bibliotekvakten er eit nasjonalt prosjekt med 14 samarbeidande bibliotek. Les meir/chat.

09.10.02:
Informasjon om haustens barnebokmøte er no lagt ut på kurssidene til fylkesbiblioteket. Her finn ein også informasjon om datakortkursa vi arrangerer.

15.10.02:
Veka for vaksne si læring er godt i gang. Ei oversikt over arrangement og aktivitetar i Sogn og Fjordane finn ein her. 

11.10.02:
Det blir no sendt rundt ei åtvaring om eit såkalt "bamsevirus" som virusprogramma ikkje oppdagar; ein blir bedt om å søke opp fila jdbgmgr.exe og slette denne. Ikkje gjer dette! Meldinga er ein såkalla hoax, og fila skal vere på maskina. Les meir hos t.d. Norman.  

02.10.02:
Frå 1. oktober 2002 til 1. juli 2003 er Depotbiblioteket stengt for vanleg fjernlån. Det einaste som er tilgjengeleg for utlån i denne perioden er aviser på mikrofilm. Bestillingsadresse for dette er depot-fjernlaan@nb.no. Les meir om det nye Depotbiblioteket på vevsidene deira.

27.09.02:
Vi gratulerer Førde bibliotek, Luster folkebibliotek og Eid folkebibliotek, som alle har fått tildelt breibandsmidlar frå Statens bibliotektilsyn. Dermed fekk alle biblioteka frå vårt fylke som søkte i år tildelt midlar. Les meir hjå Statens bibliotektilsyn.

19.09.02:
Førde bibliotek og Sogn og Fjordane fylkesbibliotek har tatt i bruk "MappaMi" og "Kikkhullet". I MappaMi kan ein halde oversikt over eigne lån og reserveringar, fornye lån og melde frå om adresseendringar. I tillegg er det høve til å melde inn interesseområde og få beskjed når det blir kjøpt inn materiale innan desse områda. I Kikkhullet kan ein ta ein titt på aktiviteten ved Førde bibliotek/Fylkesbiblioteket, t.d. kva som blir utlånt og innlevert akkurat no. 
MappaMi  Kikkhullet

18.09.02:
Kva skjer med "Epos"? Bokbåten i Sogn og Fjordane går usikre tider i møte. På grunn av bortfall av øyremerka tilskot og stor auke i leigeprisen frå bokbåteigar har vi ikkje budsjettdekking for drifta i 2003. Fylkesbiblioteket vil jobbe med saka for å styrkje budsjettet i løpet av hausten. Som mange sikkert har fått med seg har saka fått brei mediedekking i NRK. Elles viser vi til artikkel i Nationen tysdag 17. september. Solveig Bjordal

16.09.02:
Bokbåten Epos er snart klar for haustens rundtur i Sogn og Fjordane; han legg ut frå Førde fredag 11. oktober, og returnerer 29. oktober etter 38 stopp fordelt på 14 kommunar. Heile ruteplanen finn de her. Programmet i år er det Stein Lunde som står for, med teaterstykket "Tommeliten og Røverne". Les meir.

19.08.02:
Rapporten frå breibandsundersøkinga som vart gjort i vår, er no klar. Det viser seg at dersom dei planlagte breibandsutbyggingane blir gjennomført, vil 77% av folkebiblioteka (hovudbibliotek) i Sogn og Fjordane ha breibandstilknytning innan utgangen av 2003. Dette er ein delt andreplass på landsbasis. Heile rapporten (pdf-format) og pressemeldinga kan ein lese på Statens bibliotektilsyns nettsider.

02.07.02:
Etter ommøblering på fylkesbiblioteket har Anne Sagen og Anja Angelskår Mjelde skifta telefonnummer. Riktige nummer er no: Anne Sagen 57 72 18 90, Anja A. Mjelde 57 72 18 87. 

24.06.02:
"Over skranken", meldingsbladet til Sogn og Fjordane fylkesbibliotek, er no omsider klart med eit nytt nummer - årets første. Gå inn via menyen, eller direkte her.

20.06.02:
Bokbussruta for hausten 2002 og våren 2003 er no lagt ut på nettsidene våre. Gå inn via menyvalet "Bokbuss og bokbåt", eller gå direkte til bokbussruta.

19.06.01:
Sjå mappa di på biblioteket! Ny nettbibliotek-teneste.
Som eit av dei første biblioteka i Sogn og Fjordane og på Vestlandet tilbyr no Sogndal bibliotek lånarane å halda styr på utlånskontoen sin sjølv! MappaMi er ei ny teneste på internett frå Sogndal bibliotek. Det tyder at lånarane kan gå inn og få full oversikt over sin eigen utlånsinformasjon ved biblioteket. Dei kan forlengja lånetida, melde adresseendringar og reserveringar. Les meir  
Direkte til MappaMi    Heimesidene til Sogndal bibliotek 

14.06.02:
Foreningen !les arrangerar for femte år på rad ein landsomfattande leseaksjon for barn og unge. Årets aksjon heiter "Tekst blir bilde", og foregår i tida 10. oktober til 10. november. Meir om kva årets aksjon går ut på, forslag til aktivitetar m.m. finn de på Foreningen !les sine nettsider. NB. Påmeldingsfrist er 22. juni.

11.06.02:
Lurar du på kva som skjer med det nye organet for samordning og utvikling av arkiv, bibliotek og museum, ABM-utvikling? Det er no oppretta ei eiga vevside som skal informere om arbeidet med oppretting/omorganisering av dette organet. 

11.06.02:
Forskingsdagane 2002 blir arrangert 20.-29. september, og alle "forsknings- og kunnskapsinstituasjoner" er invitert til å delta. Statens bibliotektilsyn har sett av midlar til økonomisk støtte til folkebibliotek i samband med forskingsdagane - det er tidlegare sendt brev om dette til folkebiblioteka. Les meir om forskingsdagane.

11.06.02:
Vaksenopplæringsforbundet (Vofo) arrangerer i år Veka for vaksne si læring 14.-20. oktober, og veka har mottoet "Læring Engasjement Deltakelse - Du bestemmer". Det er aktuelt for biblioteka å markere denne veka, gjennom eigne arrangement eller i samarbeid med Vofo eller andre. Les meir om veka på Vofo sine nettsider. 

27.05.02:
Foreninga Seniornett Norge inviterer biblioteka til å delta i det landsomfattande arrangementet SeniorSurfdagen, der seniorar kan få prøve seg på internett i sitt nærmiljø. I år blir SeniorSurf arrangert den 8. oktober. Les meir på Seniornett Norge.

27.05.02:
Fylkesbiblioteket har no sendt ut "Bibliotek og bibliotekfolk i Sogn og Fjordane 2002". Vi har prøvd å få med oppdaterte opplysningar om bibliotek og bibliotekfolk innan alle sektorar, og dessutan ein del andre relevante adresser. Vi håpar heftet vil vere til nytte. Dessverre kan det nok forekomme feil, og dersom nokon har rettingar eller oppdateringar, så send ein e-post. Vi har alt ei retting: Balestrand folkebibliotek si adresse er (kun) 6899 Balestrand. 

06.05.02:
Sogn og Fjordane fylkesbibliotek har fått tildelt kr. 130 000 i prosjektmidlar frå Statens bibliotektilsyn, for vidareføring av Fjognedok-prosjektet. Andre som har fått tildelt prosjektmidlar for 2002 kan du lese om på Statens bibliotetilsyns nettsider. 

06.05.02:
Bibsys har lansert sin emneportal, som er ein generell emneportal retta mot studentar og tilsette i universitets- og høgskulesektoren. Emneportalen inneholdt på åpningsdagen 24. april ca 2100 utvalde nettressursar innan universiteta og høgskulane sine fagområde. Registreringa foregår ute i Bibsys-biblioteka, og forslag til nye postar blir godkjent av fagredaksjonane som er oppretta for å sikre kvaliteten på innhaldet. Bibsys emneportal.

03.05.02:
Fylkesbiblioteket og resten av kulturavdelinga i fylkeskommunen er på personalsamling i Lærdal 7. og 8. mai. Det vil difor ikkje vere folk tilstades på fylkesbiblioteket desse to dagane. Elles så minnar vi om at det nærmar seg sommartid: Frå 15. mai er kontortida på fylkesbiblioteket 08.00-15.00.

26.04.02:
Informasjon om og påmeldingsskjema til Bibliotekdagane 2002 er no sendt ut til biblioteka. Informasjonen er også lagt ut på vevsidene våre, du kan lese meir her. 

19.04.02:
Deichmanske bibliotek lanserer Detektor, som er ein generell emneportal med kvalitetssikra og katalogiserte lenker

19.04.02:
Det er no kome eit nytt val i menyen; Bibliotekbasar i fylket. Her får du ei oversikt over lokale bibliotekbasar som er søkbare på nettet, både innan folke-, fag- og skulebibliotek. Har vi gløymd nokon, er det berre å gi beskjed.

03.04.02:
I samband med arbeidet med bygging av automatlager og overgang til automatisert materialhåndtering, vil deptbiblioteket ved NBR stenge sine tenester for ein periode. Artikkelkopitenesta stengte frå 1. april 2002, medan utlånstenesta stenger 1. oktober 2002. Depotbiblioteket ønskjer også at ein i størst mogeleg grad låner inn frå andre bibliotek i perioden fram til stenging. Utlån frå automatlageret vil starte opp 1. juli 2003. Les meir på Nasjonalbibliotekets nettsider om "Nytt Depotbibliotek".

03.04.02:
Statistikken for fylkesbiblioteket og folkebiblioteka for 2001 er no lagt ut på statistikksidene til fylkesbiblioteket. Du finn den ved å gå inn på "Statistikk" i menyen, eller ved å klikke her.

25.03.02:
Utlånsreglar er ikkje forskrifter. Folkebiblioteka sine utlånsreglar kan ikkje reknast som forskrift etter forvaltningslova konkluderar Justis- og politidepartementets lovavdeling med i ein tolkingsuttale. For meir info kan ein lese pressemeldinga frå Statens bibliotektilsyn, eller heile tolkingsuttalen.

25.03.02:
Riksbibliotektjenesten og Statens bibliotektilsyn har i fellesskap tatt initiativ til oppretting av eit referanseutvalg for fjernlån. Les meir.

25.03.02:
Informasjonssøking på internett er ikkje alltid like greit. RBT har to nettkurs i korleis finne informasjon på nettet. Det eine er eit generelt Kurs i bruk av internett, der ein kan lære meir om søking på internett, gjere søkinga meir effektiv og lære meir om evaluering av internettressursar. Det andre er eit Informasjonskurs, og er eit nybyrjarkurs for dei som treng fagleg informasjon om eit bestemt emne, men ikkje veit korleis dei skal gå fram.

21.03.02:
Flora folkebibliotek har fått nytt telefonnummer: 57 75 60 55.

13.03.02:
Utlysning av breibandsmidlar for 2002 blir no sendt ut til alle kommunar og fylker. Statens bibliotektilsyn vil gjennom tilskot til breiband i folkebibliotek stimulere kommunane til å etablere breibandstilknytning i biblioteka. Kultur- og kirkedepartementet har i år sett av 5 millionar kroner til breiband i folkebibliotek - noko som er 10 millionar mindre enn for 2001. Søknadskjema, rundskriv og rettleiing finn ein også på Statens bibliotektilsyn sine nettsider. Søknadsfrist er 1. september 2002.

13.03.02:
Valkomiteen har lagt fram innstillinga si til NBFs landsmøte 27. april 2002 i Stavanger, du finn den her. 

01.03.02:
Statens bibliotektilsyn satsar på å presentere ein del av det som skjer innan ABM (arkiv, bibliotek, museum)-samarbeid, og har laga ei eiga nettside for dette. Dei har blant anna merka seg Lokalhistorisk spørjevev.

21.02.02:
Breibandsmidlar for 2002. Statens bibliotektilsyn melder på sine nettsider at rundskriv og søknadsskjema for søking av midlar til breiband i folkebibliotek sannsynlegvis vil bli sendt ut i løpet av mars med søknadsfrist i midten av september. 

18.02.021:
Fredag 22. februar legg bokbåten ut på årets første tur. Dette betyr at det blir redusert bemanning på fylkesbiblioteket i den tida bokbåten er ute. I perioden 22. februar - 3. mars er Ingrid Dræge og Anne Sagen på "Epos", medan Gunnvor Schei og Anja Angelskår Mjelde er ute i tida 3.-11. mars. Bokbåtruta.

12.02.02:
Deichmanske bibliotek "relanserer" diktregisteret sitt, i ny og større utgåve. Basen inneheld no over 200 000 postar, stort sett norske dikt, men det fins også nokre svenske og danske dikt og ein liten del omsett lyrikk. Dikta kan søkjast opp på forfattar, tittel, førstelinje og kjelde. Søk i diktregisteret.

25.01.02:
Kulturdepartementet lyser kvart år ut stipend for bibliotekarar. Det blir delt ut både reisestipend og stipend til bibliotekfagleg utviklingsarbeid. Søknadsfristen er 15. mars 2002. Meir informasjon og søknadsskjema.

30.01.02:
Lurar du på noko når det gjeld bibliotekstatistikken? Statens bibliotektilsyn har lagt ut svar på ofte stilte spørsmål på statistikksida si, i tillegg til rundskriv og rettleiingar. 
Vi har også fått ei presisering av korleis ein fører statistikk for mobile einingar, den kan du lese her.

24.01.02:
Bokbåtruta for vinter/vår 2002 er no klar. Båten legg ut frå Førde fredag 22. februar, og returnerer 11. mars etter å ha vitja 37 stader. Underhaldninga på båten er det denne gongen Atle Hansen som står for, han vil synga og lese frå bøkene sine. 

23.01.02:
Kultur- og kirkedepartementet har offentleggjort prosjektbeskriving og mandat for det nye ABM-utvikling (Statens samordnings- og utviklingsorgan for arkiv, bibliotek og museum).

18.01.02:
No er det klart for registrering av bibliotekstatistikk. Statens bibliotektilsyn har lagt ut registreringsskjema for bibliotekstatistikken på nettsidene sine, der du også finn rettleiing og rundskriv til statistikken. Statistikksida til Statens bibliotektilsyn.

14.01.02:
Falsk virusmelding. Det blir for tida sendt ut ei åtvaring om eit virus som skal øydeleggja drivaren til harddisken. Ein blir bedt om å søke opp fila sulfnbk.exe og slette denne. Det treng ein ikkje gjere. Dette er ei fil som blir brukt av Windows, og er grei å ha på maskina. De kan lese meir om dette hos t.d. Norman eller Symantec.

09.01.02:
Jon Birger Østby, direktør for Norsk museumsutvikling, er i dag tilsett som direktør for det nye ABM-utvikling. Dato for når han tek til i stillinga er enno ikkje fastsett.

03.01.02:
Det har kome nye forskrifter til Åndsverklova, frå 1. januar 2002. Spesielt aktuelt er kapittel 1 - " Eksemplarfremstilling i arkiv, bibliotek, museer og til bruk for funksjonshemmede".

03.01.02:
Kari Gjesteby er konstituert som nasjonalbibliotekar fram til 1. september 2003 medan Bendik Rugaas har permisjon. Kari Gjesteby kjem frå direktørstilling i Norges Bank. Ho har dessutan bl.a. vore handelsminister, justisminister og statssekretær i fleire departementet.

2001

19.12.01:
Fylkesbiblioteket har fått "nye" heimesider. Vi har no laga plass for ein del med små og store bibliotek-nyhende. Her vil ein satse på å leggje ut både lokalt og nasjonalt nytt. Vi har også ein "Aktuelt"-del, der saker som ikkje berre er dagsaktuelle - som "varer" litt og kan vere greie å ha liggjande litt - vil bli lagt ut. Dersom du meinar noko om sidene, om det er positivt eller negativt, så send gjerne ein epost til Anja.

18.12.01:
Litt forseinka kan vi melde om at Gaular folkebibliotek har fått lagt ut katalogen sin på nett, og har også fått ny adresse for heimesida si: http://www.gaular.folkebibl.no/

18.12.01:
Det vil bli kurs i Mikromarc 2 den 6. og 7. februar. Ein dag med grunnleggjande innføring for dei som ikkje har brukt MM/biblioteksystem tidlegare, og ein dag for meir erfarne katalogbrukarar. Meir informasjon og påmelding kjem rett over nyttår.

11.12.01:
Nr 2/2001 av Over skranken er lagt ut.